उद्यमः साहसं धैर्य बुद्धिः शक्तिः पटाक्रमः ।
षडेते यत्र वर्तन्ते तत्र देव सहायकृत् ॥

વિદ્યાર્થીઓની અંદર ઉદ્યમ, સાહસ, ધીરજ, બુદ્ધિ અને પરાક્રમની શકિતઓ રહેલી હોય છે. જેનો આધાર તેમના વિચારો પર રહેલ છે. વિચારશકિત એ મનુષ્યની અદ્ભુત તાકાત છે.

જે વિચારે છે, તે પરિસ્થિતિના લેખા-જોખા કરે છે. એટલે કે, તે પરિસ્થિતિને બરોબર સમજે છે અને રણનીતિ તૈયાર કરે છે.

જે વિચારે છે, તે જ સ્વપ્ન જુએ છે અને સિદ્ધિ પ્રાપ્ત કરવા માટેના પગલાં વિચારીને અમલમાં મૂકે છે.

જે વિચારે છે, તે જ પોતાના પ્રત્યે શ્રધ્ધા રાખી પૂર્ણપણે પોતાની શકિતઓને કાર્યસિદ્ધિ માટે લગાવી દે છે.

જેને પોતાની શકિતઓ પર પૂર્ણ વિશ્વાસ છે તે બધુ જ કરી શકશે. તેથી જ એકાગ્રતા અને આત્મ વિશ્વાસ આ બે શબ્દો પરીક્ષા માટે ખૂબ જ મહત્ત્વ ધરાવે છે.

“પરીક્ષાના યોદ્ધા” સેમિનાર દ્વારા વિદ્યાર્થીઓ દૃઢ મનોબળ, એકાગ્રતા અને આત્મવિશ્વાસ સાથે પોતાની આવનાર બોર્ડની પરીક્ષા સરળતાથી આપી શકશે.